“کرم میں 130 بنکرز گرائے گئے، امن کے قیام کی کوششیں تیز”

کرم میں قیام امن کے لیے فریقین کے بنکرز گرانے کا عمل جاری ہے۔
ضلعی انتظامیہ کے مطابق ضلع کرم میں 4 روزکے دوران 44 بنکرز گرائے گئے اور اب تک 130 بنکرز کو گرایا جاچکا ہے۔
جب کہ متعدد خندقوں کو بھاری مشینری کے ذریعے بند کیا گیا ہے۔
انتظامیہ کا کہنا ہےکہ بنکرز اور خندق لڑائی جھگڑوں میں استعمال ہوتے تھے۔
انتظامیہ نے بتایا کہ تجارتی سامان کی 853 گاڑیاں کرم بھجوائی جاچکی ہیں۔
اس کے علاوہ بگن بازار کی تزئین و آرائش کا کام جاری ہے اور متاثرین کو امدادی رقوم دینےکاسلسلہ بھی جاری ہے۔

یوٹیوٹ کی ویڈیو دیکھنے کے لیے یہاں کلک کریں