پاکستان کیلئے مزید 10 ہزار حجاج کی اجازت، سعودی عرب کا اہم فیصلہ

پاکستانی عازمین حج کے لیے بڑی خوشخبری آگئی، سعودی عرب نے مزید 10 ہزار اضافی عازمین کو حج کی اجازت دے دی ہے،۔
نائب وزیراعظم و وزیر خارجہ محمد اسحٰق ڈار نے پاکستانی عازمین حج کے لیے حج کوٹے میں اضافے کی خصوصی درخواست کی تھی۔
وزیر اعظم شہباز شریف کی خصوصی ہدایت پر نائب وزیر اعظم و وزیر خارجہ کی کوششوں سے سعودی عرب نے پاکستان کے لیے مزید 10 ہزار حجاج کرام کو حج کی اجازت دینے کا فیصلہ کیا۔
اسحٰق ڈار نے سعودی وزیر خارجہ شہزادہ فیصل بن فرحان السعود سے رابطہ کیا تھا اور پاکستانی عازمین حج کے لیے حج کوٹے میں اضافے کی خصوصی درخواست کی۔
یہ درخواست ان شہریوں کے لیے کی گئی جو حج کی مقررہ آخری تاریخ گزر جانے کے باعث رجسٹریشن نہیں کرا سکے تھے-
، سعودی حکام نے پاکستان کی خصوصی درخواست قبول کرتے ہوئے پاکستان کے لیے حج کوٹے میں توسیع کی منظوری دے دی۔

یوٹیوٹ کی ویڈیو دیکھنے کے لیے یہاں کلک کریں