ایران سے سیکیورٹی خدشات پر انسپکٹرز کی واپسی مکمل

ایران، اسرائیل اور امریکا کے درمیان جنگ کے بعد سیکیورٹی خدشات کے پیشِ نظر عالمی جوہری ایجنسی (آئی اے ای اے) کے تمام انسپکٹرز تہران سے آسٹریا پہنچ گئے ہیں۔
بین الاقوامی میڈیا رپورٹ کے مطابق عالمی جوہری ایجنسی کا کہنا ہے کہ سیکیورٹی خدشات پر ایران سے اپنے معائنہ کاروں کو واپس بلا لیا ہے۔
اقوام متحدہ کے جوہری نگراں ادارے کے اہلکار حال ہی میں ایران، اسرائیل اور امریکا کے درمیان 12 روز سے جاری رہنے والی لڑائی کے دوران ایران کے دارالحکومت تہران میں موجود تھے۔
گزشتہ روز بین الاقوامی جوہری توانائی ایجنسی نے ایکس پر پیغام میں کہا تھا کہ اس کے ملازمین تہران سے آسٹریا کے شہر ویانا میں واقع اپنے ہیڈ کوارٹر واپس جانے کے لیے تیار ہیں۔

یوٹیوٹ کی ویڈیو دیکھنے کے لیے یہاں کلک کریں