پنجاب میں دریاؤں میں پانی کی سطح بلند، مکین مدد کے منتظر

دریاؤں میں پانی کی سطح بلند، بند ٹوٹنے سے فصلیں اور بستیاں متاثر، مکین مدد کے منتظر
پاکپتن، عارف والا، قصور (دنیا نیوز) حالیہ بارشوں کے باعث دریاؤں میں پانی کی سطح مسلسل بلند ہونے سے پنجاب کے مختلف علاقوں میں سیلابی صورتحال پیدا ہوگئی ہے۔
دریائے ستلج میں پاکپتن کے علاقے ملک بہاول کے قریب حفاظتی بند ٹوٹنے سے دریا کا پانی دھان اور دیگر فصلوں میں داخل ہو گیا۔
، مقامی افراد کا کہنا ہے کہ انہوں نے کئی روز سے اپنی مدد آپ کے تحت بند باندھ رکھا تھا اور بارہا حکام سے مدد کی اپیل بھی کی مگر تاحال کوئی سرکاری مدد نہیں پہنچی۔
، اہل علاقہ نے ایک بار پھر حکومت سے فوری امداد کی اپیل کی ہے۔
دوسری جانب عارف والا میں نچلے درجے کی سیلابی صورتحال مسلسل برقرار ہے، بستی مینگل، فرید نگر اور دیگر چھوٹی بستیاں پانی کی لپیٹ میں آگئی ہیں۔
، پانی کے تیز بہاؤ سے مختلف مقامات پر زمینداروں کے عارضی بند ٹوٹ گئے، جس کے باعث بڑی تعداد میں کھڑی فصلیں تباہ ہوگئیں۔

یوٹیوٹ کی ویڈیو دیکھنے کے لیے یہاں کلک کریں