پنجاب میں دفعہ 144 کے تحت عائد پابندیوں میں7 دن کی توسیع

پنجاب میں دفعہ 144 کے تحت پابندیوں کے نفاذ میں 7 دن کی توسیع کر دی گئی۔
محکمہ داخلہ پنجاب کی جانب سے جاری نوٹیفکیشن کے مطابق ہر قسم کے احتجاج، جلسے، جلوس، ریلیوں، دھرنوں، اجتماع اور ایسی تمام سرگرمیوں پر پابندی برقرار رہے گی ۔
نوٹیفکیشن کے مطابق دفعہ 144 کے تحت پابندیوں کے نفاذ میں 15 نومبر تک توسیع کی گئی ہے ۔
4 یا اس سے زائد افراد کے عوامی مقامات پر جمع ہونے ، اسلحہ کی نمائش ، لاؤڈ اسپیکر کے استعمال ، اشتعال انگیز، نفرت آمیز یا فرقہ وارانہ مواد کی اشاعت اور تقسیم پر مکمل پابندی ہو گی۔
پابندی کا اطلاق شادی بیاہ کی تقریبات، جنازہ اور تدفین پر نہیں ہوگا۔
سرکاری فرائض کی انجام دہی پر مامور افسران ، اہلکار اور عدالتیں پابندی سے مستثنیٰ ہوں گے ، لاؤڈ اسپیکر صرف اذان اور خطبہ جمعہ کیلئے استعمال کیا جاسکےگا ۔

خبر کی تفصیل کے لیے لنک پر کلک کریں۔