وزیر خزانہ محمد اورنگزیب نے جنوبی اور وسطی ایشیائی امور کے لیے امریکی معاون وزیر خارجہ ڈونلڈ لو اور امریکی محکمہ خارجہ کی پرنسپل ڈپٹی اسسٹنٹ سیکرٹری آف سٹیٹ الزبتھ ہورسٹ سے ملاقات کی
جس میں انہوں نے پاکستان امریکہ تعلقات کو مزید مضبوط بنانے کے لیے واشنگٹن کے عزم کا اعادہ کیا۔
وزارت خزانہ کے ترجمان کے مطابق ملاقات عالمی بینک کے ہیڈ کوارٹر میں ہوئی جہاں وزیر خزانہ نے امریکی حکام کو پاکستان کے اصلاحاتی ایجنڈے سے آگاہ کیا۔
ملاقات میں متبادل توانائی، زراعت، موسمیاتی اور ٹیک انڈسٹری کے مسائل پر بھی تبادلہ خیال کیا گیا۔
وزیر خزانہ نے پاکستان امریکہ اقتصادی شراکت داری کو اپ گریڈ کرنے پر بھی زور دیا۔ وزیر خزانہ نے آئی ٹی، زراعت اور دیگر شعبوں میں سرمایہ کاری کے مواقع پر بھی بات کی۔
محمد اورنگزیب نے کہا کہ ٹیکس کی بنیاد وسیع ہے، توانائی کا شعبہ منظم ہے اور نجکاری اولین ترجیح ہے۔
