“اسلام آباد: سنی اتحاد کونسل کے رکن اسمبلی اور اپوزیشن لیڈر عمر ایوب نے کہا ہے کہ ضمنی انتخابات میں دھاندلی ہوئی، گجرات میں دھاندلی کو بے نقاب کرنے والے صحافیوں کو ہراساں کیا گیا۔”
سپیکر ایاز صادق کی زیر صدارت قومی اسمبلی کے اجلاس میں اظہار خیال کرتے ہوئے اپوزیشن لیڈر عمر ایوب نے سب سے پہلے مطالبہ کیا کہ ہمارے دو ارکان کی رکنیت معطل کر دی گئی ہے جس پر نظرثانی کی جائے۔ انہوں نے کہا کہ ضمنی انتخابات میں دھاندلی ہوئی اور پولیس کا اثر و رسوخ تھا اور آر اوز نے قانونی اجازت کے باوجود ہمارے امیدواروں کو پولنگ سٹیشنوں میں داخلے سے زبردستی روکا۔عمر ایوب نے ایاز صادق کو مخاطب کرتے ہوئے مطالبہ کیا کہ ‘مسٹر سپیکر، ایوان کے سربراہ کی حیثیت سے آئین اور انتخابی قوانین کا تحفظ آپ کی ذمہ داری ہے۔’
عمر ایوب نے مزید کہا کہ حکومتیں آتی جاتی رہتی ہیں، یہ آپ نے اور میں نے دیکھا ہے، جو لوگ آج یہاں (اپوزیشن میں) بیٹھے ہیں وہ چار ماہ بعد حکومت میں آ سکتے ہیں کیونکہ پاکستان میں ایسا ہوتا رہتا ہے۔ انہوں نے کہا کہ الیکشن کمیشن میں الیکشن رولز کی شکایت کی جائے، یہاں کچھ نہیں ہوسکتا، اس کے لیے اپوزیشن ارکان ہی کافی ہیں۔
