“مختلف وفاقی وزارتوں، ڈویژنوں میں اہم تقرریاں اور عہدے بنانے کا وزیراعظم کا اختیار ختم کر دیا گیا۔”
وزیر اعظم شہباز شریف نے مختلف وفاقی وزارتوں اور ڈویژنوں میں اہم تقرریاں اور عہدے کرنے کا اختیار وزراء، مشیروں، وزرائے مملکت اور سیکرٹریز کو تفویض کر دیا، ذرائع کے مطابق مختلف وفاقی وزارتوں اور ڈویژنوں میں ماہرین اور پیشہ ور افراد کی تقرری کا منصوبہ ہے۔ وفاقی حکومت نے اس حوالے سے اہم فیصلہ کر لیا ہے۔
ذرائع کا کہنا ہے کہ وزیر اعظم کا وفاقی وزارتوں اور ڈویژنوں میں ماہرین اور پیشہ ور افراد کی آسامیاں پیدا کرنے کا حق ختم ہوگیا، اب ماہرین اور پیشہ ور افراد کی آسامیاں وزارت خزانہ اسٹیبلشمنٹ ڈویژن کی مشاورت سے تخلیق کرے گی۔ذرائع کے مطابق وزارتوں اور ڈویژنوں میں کنسلٹنٹس کی تقرری متعلقہ وفاقی وزیر، وزیر مملکت یا مشیروں کی منظوری سے کی جائے گی جبکہ ریسرچ ایسوسی ایٹس اور نوجوان پیشہ ور افراد کی تقرری متعلقہ سیکرٹری کی منظوری سے کی جائے گی۔ تکنیکی مشیروں کی تقرری کے لیے وزیراعظم کی منظوری ضروری بتائی جاتی ہے۔
ذرائع نے مزید بتایا کہ تقرریوں کا عمل مسابقتی عمل اور خصوصی سلیکشن بورڈ کے ذریعے مکمل کیا جائے گا۔ واضح رہے کہ بطور وزیراعظم عمران خان یہ حق محفوظ رکھتے ہیں۔
