گندم انکوائری کمیٹی کے سامنے پیش ہونے کو تیار ہوں:انوار الحق کاکڑ

اسلام آباد: سابق نگراں وزیراعظم انوارالحق کاکڑ نے کہا ہے کہ وہ گندم انکوائری کمیٹی کے سامنے پیش ہونے کو تیار ہیں۔ کوئی نیا درآمدی قانون منظور نہیں کیا گیا۔
انوار الحق کاکڑ نے پرائیویٹ سیکٹر کے ذریعے گندم درآمد کرنے کی ذمہ داری تحریک انصاف کی حکومت پر ڈالتے ہوئے کہا کہ پرائیویٹ سیکٹر کو گندم کی درآمد کی اجازت دینے کا ایس آر او پی ٹی آئی حکومت نے جاری کیا تھا۔سابق نگران وزیراعظم کا کہنا تھا کہ وہی ایس آر او 2 سال تک پی ٹی آئی حکومت میں اور 16 ماہ تک پی ڈی ایم حکومت اور آج کی حکومت میں بھی لاگو ہے۔