اوور بلنگ پر زیرو ٹالرنس کی پالیسی جاری رہے گی، وزیر داخلہ

وزیر داخلہ محسن نقوی کا کہنا ہے کہ بجلی کے صارفین کو اوور بلنگ سے ریلیف فراہم کرنا اولین ترجیح ہے۔
وفاقی وزیر داخلہ محسن نقوی نے گزشتہ دورے کے دوران دی گئی ہدایات پر پیش رفت کا جائزہ لیا۔
ڈائریکٹر ایف آئی اے لاہور سرفراز ورک نے بریفنگ دی۔ ڈی جی ایف آئی اے اسحاق جہانگیر نے ویڈیو لنک کے ذریعے اجلاس میں شرکت کی۔
وفاقی وزیر داخلہ محسن نقوی نے اوور بلنگ اور بجلی چوری روکنے کے لیے کارروائی تیز کرنے کا حکم دیتے ہوئے کہا کہ اوور بلنگ کے ذریعے شہریوں پر بوجھ ڈالنے والے اہلکاروں کے خلاف بلا تفریق کارروائی جاری رہے گی۔
ڈسکوز کی نااہلی اور غفلت پر شہریوں کو سزا دینا قطعاً قابل قبول نہیں، اوور بلنگ میں بجلی صارفین کو ریلیف دینا اولین ترجیح ہے۔