بھارت میں ہندوتوا کے غنڈوں نے احمد آباد میں ایک تاریخی درگاہ کے اندر مقبروں کو تباہ کر کے ان کی جگہ مورتیاں نصب کر دیں۔
کشمیر میڈیا سروس کے مطابق یہ واقعہ احمد آباد شہر میں امام شاہ بابا کے 600 سال پرانے مزار پر پیش آیا۔
یہ بھارتی ریاست گجرات کی ایک درگاہ میں ہوا۔ انتہا پسند ہندوؤں نے درگاہ پر حملہ کیا۔
انتہا پسند غنڈے ایک عرصے سے اس درگاہ کو ہندوؤں کا مقدس مقام قرار دے کر قبضہ کرنے کی کوشش کر رہے ہیں۔
درگاہ پر حملے کی اطلاع ملتے ہی مسلمان بڑی تعداد میں جمع ہوگئے اور درگاہ کی بے حرمتی کو روکنے کی کوشش کی۔
اس موقع پر حملہ آوروں کے ساتھ جھڑپ بھی ہوئی جس میں 4 افراد زخمی ہوگئے۔
معمول کے مطابق پولیس تاخیر سے پہنچی اور 30 افراد کو حراست میں لے لیا جن میں مسلمانوں کی بڑی تعداد بھی شامل تھی۔
بھارت میں تاریخی مساجد اور درگاہوں پر قبضہ ایک عام بات بن گئی ہے اور 3 بڑی تاریخی مساجد اب بھی عدالت میں زیر التواء ہیں۔
بھارت میں 600 سال پرانی درگاہ کی توہین، مقبرے تباہ
-
