"چینی کی برآمد کی مدت میں توسیع: شوگر ملز کو اضافی وقت ملے گا"

چینی کی برآمد کی مدت میں 15 دن کی توسیع مرکزی کابینہ نے چینی کی برآمد کی مدت کو 45 دن سے بڑھا کر 60 دن کر دیا ہے۔ اور کابینہ کمیٹی کو چینی کی قیمت کی نگرانی کرنے کی ہدایت کی ہے۔ 1.5 لاکھ ٹن چینی کی برآمد کے لیے پہلے کی اجازت کی مدت میں 15 دن کی توسیع کر دی گئی ہے۔ حکومت نے چینی کی برآمد کے لیے 45 روز کی مدت مقرر کی تھی تاہم اب یہ مدت بڑھا کر 60 روز کردی ہے۔ اس حوالے سے بتایا گیا کہ شوگر ملز اب توسیع شدہ مدت میں غیر استعمال شدہ چینی کا کوٹہ برآمد کر سکیں گے۔ البتہ گنے کے کاشت کاروں کو ادائیگی نہ کرنے والی شوگر ملز پر توسیع کا اطلاق نہیں ہو گا۔ ذرائع نے مزید بتایا کہ برآمد کے لیے چینی کی ریٹیل اور ایکس مل قیمتوں کی شرائط برقرار رہیں گی۔ جبکہ کابینہ کمیٹی کو شوگر ایکسپورٹ کی مانیٹرنگ اور چینی کی قیمتوں پر نظر رکھنے کی ہدایت کی گئی ہے۔ یوٹیوٹ کی ویڈیو دیکھنے کے لیے یہاں کلک کریں