بیرونِ ملک مقیم پاکستانیوں سے ترسیلات زر میں اضافہ: اعتماد کی بحالی کا اشارہ

بیرونِ ملک مقیم پاکستانیوں سے ترسیلات زر میں اضافہ ملکی استحکام کی علامت: شہباز شریف

بیرونِ ملک مقیم پاکستانیوں سے ترسیلات زر میں اضافہ اعتماد کی عکاسی ہے:وزیر اعظم شہباز شریف وزیر اعظم شہباز شریف نے انٹرنیشنل مانیٹرنگ فنڈ ( آئی ایم ایف ) پیکیج کی منظوری پر اظہار اطمینان کیا ہے۔ وزیر اعظم شہباز شریف نے نیویارک سے جاری اپنے خصوصی پیغام میں کہا کہ اللہ کے فضل وکرم سے معاشی اصلاحات کا نفاذ تیزی سے جاری ہے۔ اور معاشی ترقی کے اہداف کے حصول کیلئے یونہی محنت جاری رکھیں گے۔ شہباز شریف کا کہنا تھا کہ سرمایہ کاری میں اضافہ خوش آئند اور معاشی ٹیم کی محنت کا منہ بولتا ثبوت ہے۔ بیرونِ ملک مقیم پاکستانیوں سے ترسیلات زر میں اضافہ اعتماد کی عکاسی ہے۔ اگر یونہی محنت جاری رہی تو ان شاءاللہ یہ آخری آئی ایم ایف پروگرام ہوگا۔ وزیر اعظم نے دوست ممالک بالخصوص سعودی عرب ، چین اور متحدہ عرب امارات سمیت مینجنگ ڈائریکٹر آئی ایم ایف کرسٹلینا جارجیوا اور انکی پوری ٹیم کا بھی شکریہ ادا کیا۔ جبکہ حکومتی معاشی ٹیم اور نائب وزیر اعظم اسحاق ڈار سے بھی اظہار تشکر کیا۔ شہباز شریف نے وزیر خزانہ محمد اورنگزیب ، پنجاب ، سندھ اور بلوچستان کے وزرائے اعلیٰ اور آرمی چیف جنرل عاصم منیر کا بھی شکریہ ادا کیا۔ یوٹیوٹ کی ویڈیو دیکھنے کے لیے یہاں کلک کریں