پاک چین انسداد دہشتگردی اور سیکیورٹی تعاون مزید مضبوط بنانے پر اتفاق

پاکستان اور چین نے انسداد دہشتگردی اور سیکیورٹی تعاون مزید مضبوط بنانے پر اتفاق کرلیا۔ وفاقی وزیر داخلہ محسن نقوی سے چینی سفیر کی ملاقات میں پاک چین دوطرفہ تعلقات اور باہمی دلچسپی کے امور پر تبادلہ خیال کیا گیا۔ ملاقات میں انسداد دہشت گردی اور سیکیورٹی تعاون مزید مضبوط بنانے پر اتفاق کیا گیا۔ چینی سفیر کی جانب سے اسلام آباد میں خودکش حملے کی مذمت اور قیمتی جانی نقصان پر اظہار افسوس کیا گیا۔ کہا چین کی وزارت خارجہ کے ترجمان نے بھی اس واقعہ کی مذمت کی ہے ۔ پاکستان کے ساتھ بھر پور تعاون جاری رکھیں گے۔ وزیر داخلہ محسن نقوی کا کہنا تھا پاک چین تعلقات باہمی اعتماد و احترام پر مبنی ہیں، چین پاکستان کا وہ بااعتماد دوست ہے جس نے ہر مشکل وقت میں ساتھ دیا۔ خبر کی تفصیل کے لیے لنک پر کلک کریں۔