قومی ایئر لائن کا لندن کیلئے پروازیں شروع کرنے کا اعلان

قومی ایئر لائن نے اسلام آباد سے لندن کے لیے پروازیں شروع کرنے کا اعلان کر دیا۔ ترجمان پی آئی اے کا کہنا ہے کہ 29 مارچ سے اسلام آباد سے لندن کے لیے ہفتہ وار 4 پروازیں آپریٹ کی جائیں گی۔ قومی ایئر لائن کی پروازیں 6 سال کے طویل وقفے کے بعد روانہ کی جا رہی ہیں۔ ترجمان پی آئی اے کے مطابق لندن کی پروازیں ہیتھرو آئیرپورٹ کے جدید ترین ٹرمینل 4 سے آپریٹ ہوں گی ۔ لندن پی آئی اے کا سب سے پہلا بین الاقوامی اور انتہائی پرکشش روٹ ہے۔ پی آئی اے پہلے ہی مانچسٹر کےلئے ہفتہ وار تین پروازوں آپریٹ کررہا ہے۔ خبر کی تفصیل کے لیے لنک پر کلک کریں۔