ٹرمپ کے معاہدے سے متعلق اشارے پر عالمی تیل مارکیٹ دباؤ کا شکار، قیمتوں میں کمی

امریکی صدر ڈونلڈ ٹرمپ کے ممکنہ معاہدے سے متعلق بیان کے بعد عالمی منڈی میں خام تیل کی قیمتوں میں نمایاں کمی دیکھی گئی ہے۔غیر ملکی میڈیا رپورٹس کے مطابق برینٹ خام تیل کی قیمت میں تقریباً ڈیڑھ فیصد کمی ریکارڈ کی گئی، جس کے بعد اس کی قیمت 92.91 ڈالر فی بیرل تک آ گئی۔
اسی طرح ویسٹ ٹیکساس انٹرمیڈیٹ (WTI) خام تیل کے نرخ بھی نیچے آئے اور اس کی قیمت 89.66 ڈالر فی بیرل تک پہنچ گئی۔صدر ڈونلڈ ٹرمپ نے اپنے ایک بیان میں کہا کہ اگر متوقع معاہدہ طے پا جاتا ہے تو عالمی سطح پر تیل کی قیمتوں میں مزید نمایاں کمی واقع ہو سکتی ہے۔ 
ان کے اس بیان کے بعد سرمایہ کاروں اور مارکیٹ میں تیل کی طلب و رسد سے متعلق توقعات میں تبدیلی دیکھی گئی، جس کے نتیجے میں قیمتوں پر دباؤ بڑھ گیا۔