ایرانی قیادت کو نشانہ بنانے میں امریکا شاید حد سے آگے نکل گیا، اب معلوم نہیں کس سے بات کریں: ٹرمپ

واشنگٹن: امریکی صدر ڈونلڈ ٹرمپ نے اعتراف کیا ہے کہ ایران کی قیادت کو نشانہ بنانے کے معاملے میں امریکا شاید ضرورت سے زیادہ آگے بڑھ گیا، جس کے باعث اب یہ واضح نہیں کہ مذاکرات کے لیے ایرانی جانب سے کس سے رابطہ کیا جائے۔ٹرمپ نے دعویٰ کیا کہ ایران میں کوئی بھی شخص صدر کا عہدہ سنبھالنے کے لیے تیار نہیں اور نہ ہی کوئی ممکنہ امیدوار اس ذمہ داری کو قبول کرنا چاہتا ہے۔
امریکی صدر نے ایران کی فوجی صلاحیتوں سے متعلق اپنے سابقہ دعوؤں کو دہراتے ہوئے کہا کہ ایرانی فضائیہ مکمل طور پر تباہ ہوچکی ہے اور ملک اپنے تمام 159 بحری جہاز بھی کھو چکا ہے۔ٹرمپ کے ان بیانات میں ایران کی قیادت کو نشانہ بنانے کے اثرات اور ایرانی فوجی صلاحیتوں کو پہنچنے والے نقصان سے متعلق دعوے شامل ہیں، تاہم ان دعوؤں کی آزاد ذرائع سے تصدیق ضروری ہے۔