اسلام آباد: یوٹیلیٹی اسٹورز نے آٹا، چینی اور چاول مارکیٹ سے مہنگے داموں فروخت کرنا شروع کردیے۔
عام مارکیٹ میں 20 کلو آٹا 2792 روپے میں فروخت ہورہا ہے جب کہ یوٹیلٹی اسٹورز پر 20 کلو آٹے کا تھیلا 2840 روپے میں فروخت ہورہا ہے۔
عام مارکیٹ کے مقابلے یوٹیلیٹی اسٹورز پر ابلے ہوئے چاول کی قیمت 53.40 روپے فی کلو ہے۔ سائیلج چاول عام مارکیٹ میں 317 روپے فی کلو اور یوٹیلٹی شاپس پر 370 روپے فی کلو میں دستیاب ہیں۔
یوٹیلیٹی سٹورز پر سفید چنا بھی عام مارکیٹ کے مقابلے میں 13.53 روپے مہنگا فروخت ہو رہا ہے۔ مارکیٹ میں سفید چنے کی قیمت 391 روپے فی کلو ہے، یوٹیلٹی اسٹورز پر سفید چنا 405 روپے میں دستیاب ہے۔
چینی بھی عام بازار سے 9 روپے مہنگی فروخت کی جا رہی ہے۔ یوٹیلیٹی شاپس پر چینی کی قیمت 155 روپے فی کلو ہے جو کہ مارکیٹ میں 146 روپے فی کلو ہے۔
