سمگل شدہ موبائل دہشتگردی میں استعمال،ڈیلرزکیخلاف کارروائی کی ہدایت

“خفیہ اداروں کی رپورٹ پروفاقی حکومت نے کسٹم حکام کوپنجاب بھرمیں کریک ڈائون کاحکم دیدیا،500سے زائدڈیلرزکی لسٹ بھی فراہم”
ملتان (سپیشل رپورٹر)اسمگل موبائل فونز کا دہشتگردی میں استعمال، پنجاب میں ڈیلرز کیخلاف کارروائی کا آغاز کرنے کی ہدایت۔ وفاقی حکومت نے سمگل شدہ موبائل فونز کے دہشت گردی کے واقعات میں استعمال کے حوالے سے خفیہ اداروں کی رپورٹس پرکسٹم حکام کو پنجاب بھرمیں کریک ڈاؤن کے احکامات جاری کردیئے ہیں۔ ذرائع کے مطابق خفیہ اداروں نے لاہور سمیت صوبے کے مختلف شہروںمیں موبائل فونزکی سمگلنگ اور سمگل شدہ موبائل فونز کی خریدوٖ فروخت میں ملوث 500سے زائد ڈیلرز کی لسٹ فراہم کی ہے جن کے خلاف کارروائی کا آغاز کر دیا گیا ہے۔ذرائع نے بتایا اتنے بڑے کریک ڈاؤن کے لئے موبائل فونز کی سمگلنگ میں ملوث با اثر ڈیلرز کی طرف سے شدید مزاحمت کا سامنا کر نا پڑ سکتا ہے جس کے لئے کسٹمز حکام کو اس غیر معمولی آپریشن کے لئے موجودہ تعداد کے علاوہ مزید افسران اور اہلکاروں کی ضرورت ہوگی ۔

اپنا تبصرہ لکھیں