سوشل میڈیا پر ریاست مخالف مواد شئیر کرنے والوں کیخلاف کریک ڈاؤن کا آغاز

سوشل میڈیا پر ریاست مخالف مواد شیئر کرنے والوں کے خلاف کارروائی شروع کر دی گئی ہے۔
ایف آئی اے نے راولپنڈی سے دو مشتبہ افراد کو گرفتار کر لیا،
ایف آئی اے پاکستانی عسکری اداروں اور اہم قومی شخصیات کے خلاف پروپیگنڈا کرنے والے افراد سے تفتیش کر رہی تھی۔
جس کی تکمیل کے بعد اب اس رپورٹ کی روشنی میں گرفتاریوں کا عمل شروع کر دیا گیا ہے۔
ایف آئی اے کی ٹیموں نے راولپنڈی کے مختلف مقامات پر چھاپے مار کر سوشل میڈیا پلیٹ فارمز پر ریاست مخالف مواد شیئر کرنے میں ملوث دو ملزمان کو گرفتار کر لیا۔
ایف آئی اے حکام کے مطابق گرفتار ملزمان مسلح افواج کے خلاف من گھڑت اور جعلی خبریں پھیلانے میں ملوث تھے۔
گرفتار ملزمان میں یاسر عرفات اور عرفان عباس شامل ہیں جنہیں روات اور گوجر خان کے علاقوں سے گرفتار کیا گیا۔
ایف آئی اے حکام کے مطابق ملزمان کو گرفتار کرکے تفتیش شروع کردی گئی۔