پیٹرول مہنگا، ٹرانسپورٹ کرایوں میں 3 سے 4 فیصد اضافہ منظور

یٹرولیم مصنوعات کی قیمتوں میں اضافے کے بعد ٹرانسپورٹ کرایوں میں بھی اضافہ

 

پیٹرولیم مصنوعات کی قیمتوں میں اضافے کے بعد ٹرانسپورٹ کرایوں میں بھی اضافہ کر دیا گیا ہے۔کرایوں میں اضافے کے حوالے سے ٹرانسپورٹ ہاؤس میں اہم اجلاس منعقد ہوا، جس میں سیکرٹری آر ٹی اے اور ٹرانسپورٹرز کے درمیان مذاکرات ہوئے۔
اجلاس میں کرایوں میں 3 سے 4 فیصد اضافے پر اتفاق کیا گیا۔سیکرٹری آر ٹی اے رانا محسن کے مطابق کسی کو من مانے اضافے کی اجازت نہیں دی جائے گی اور صرف مقررہ حد یعنی 3 سے 4 فیصد تک ہی کرایہ بڑھایا گیا ہے۔انہوں نے خبردار کیا کہ 4 فیصد سے زائد کرایہ وصول کرنے والوں کے خلاف سخت کارروائی کی جائے گی۔
تمام ٹرانسپورٹرز کو ہدایت دی گئی ہے کہ وہ آج ہی نئے کرایہ نامے آویزاں کریں اور ان پر فوری عملدرآمد یقینی بنائیں۔