سندھ میں نیا صوبہ بنانے کی مخالفت، پیپلزپارٹی کا دوٹوک مؤقف

پاکستان پیپلزپارٹی کے رہنما سعید غنی نے سندھ میں نئے صوبے کے قیام کی مخالفت کرتے ہوئے کہا ہے کہ کسی بھی صورت سندھ کو تقسیم نہیں ہونے دیا جائے گا۔سعید غنی کا کہنا تھا کہ زبردستی نیا صوبہ بنانے کی کوشش سے عوام میں نفرت اور بداعتمادی کو فروغ مل سکتا ہے۔ 
اگر شہریوں کے ذہنوں میں شکوک و شبہات پیدا ہوئے تو اس کے نتائج بھی سنگین ہوسکتے ہیں۔انہوں نے سیاسی حلقوں کو خبردار کرتے ہوئے کہا کہ ہوش سے کام لیا جائے اور سندھ کے عوام کو نفرت کی طرف دھکیلنے سے گریز کیا جائے۔ ان کے مطابق نئے صوبے بنانے یا نہ بنانے کا فیصلہ سیاسی جماعتوں اور پارلیمنٹ کے ذریعے ہی ہونا چاہیے۔
پیپلزپارٹی رہنما نے مزید کہا کہ سندھ کی بیشتر سیاسی جماعتیں اور عوام نئے صوبے کے قیام کے خلاف ہیں۔ ان کا کہنا تھا کہ ایم کیو ایم کے چند افراد کی جانب سے اس معاملے پر مؤقف اختیار کرنے کی کوئی خاص حیثیت نہیں۔