بانی پی ٹی آئی عمران خان کو 2 دن کے اندر اندر شفا اسپتال منتقل کرنے کی ہدایت

وزیراعلیٰ خیبر پختونخوا سہیل آفریدی نے سپریم کورٹ کے فیصلے پر اللہ تعالیٰ کا شکر ادا کرتے ہوئے کہا کہ پاکستان کے 25 کروڑ عوام کی آخری امید عدلیہ ہے۔ انہوں نے کہا کہ عوام کے دلوں میں انصاف کی جو امید قائم تھی، توقع ہے کہ اس فیصلے پر جلد از جلد عمل درآمد کیا جائے گا۔
سہیل آفریدی نے واضح کیا کہ سلمان اکرم راجا کی ہدایات پر مکمل عمل کیا جائے گا اور اسپتال کے گرد و پیش کوئی ہجوم یا کارکنان جمع نہیں ہوں گے۔ انہوں نے اس عزم کا اظہار کیا کہ ایسا کوئی اقدام نہیں اٹھایا جائے گا جس سے عدالت عالیہ کے فیصلے کی توہین ہو۔
وزیراعلیٰ نے خبردار کیا کہ کچھ انتشاری عناصر اس موقع کو سبوتاژ کرنے کی کوشش کر سکتے ہیں، لہٰذا ان کی نشاندہی کرنا ضروری ہے۔