واشک میں سیکیورٹی فورسز کی کارروائی، 2 دہشت گرد مارے گئے

بلوچستان کے ضلع واشک کے علاقے پلانتک میں سیکیورٹی فورسز نے انٹیلی جنس اطلاعات کی بنیاد پر کارروائی کرتے ہوئے دو دہشت گردوں کو ہلاک کردیا۔سیکیورٹی ذرائع کے مطابق بلوچستان میں فتنہ الہندوستان کے دہشت گردوں کے خلاف سیکیورٹی فورسز کا آپریشن ردالفتنہ جاری ہے۔ 
کارروائی میں ہلاک ہونے والے دونوں دہشت گرد ماشکیل پولیس اسٹیشن اور کسٹم ہاؤس پر کیے گئے حملوں میں ملوث تھے۔ذرائع کا کہنا ہے کہ آپریشن کے دوران دہشت گردوں کی گاڑی بھی تباہ کردی گئی، جبکہ بڑی مقدار میں اسلحہ اور گولہ بارود برآمد کیا گیا۔
سیکیورٹی ذرائع کے مطابق برآمد کیے گئے ہتھیار اور گولہ بارود بلوچستان میں ٹارگٹ کلنگ سمیت دیگر دہشت گردانہ کارروائیوں کے لیے استعمال کیے جانے تھے۔