موٹروے ایم ون اسلام آباد تا پشاور ٹریفک کے لیے کھول دی گئی

موٹروے ایم ون کو اسلام آباد سے پشاور تک ہر قسم کی ٹریفک کے لیے دوبارہ بحال کر دیا گیا ہے۔ترجمان کے مطابق اسلام آباد اور پشاور کے درمیان موٹروے ایم ون پر ٹریفک معمول کے مطابق رواں دواں ہے، تاہم موٹروے ایم ون کو ہزارہ موٹروے سے ملانے والی رابطہ سڑک پر بحالی کا کام تاحال جاری ہے۔
ترجمان نے بتایا کہ موٹروے ایم فور پر ہکلہ سے کنڈل تک سڑک کی بحالی کا کام بھی مکمل نہیں ہو سکا۔موٹروے ایم ون کے ذریعے ایبٹ آباد جانے والے مسافر جھاری کس انٹرچینج سے ہزارہ موٹروے پر جا سکتے ہیں۔دوسری جانب جی ٹی روڈ این فائیو کو بھی اسلام آباد سے پشاور تک ہر قسم کی ٹریفک کے لیے بحال کر دیا گیا ہے۔