ٹرمپ کو عہدے سے ہٹانے کیلئے ڈیموکریٹس کو 13 مزید سینیٹرز کی حمایت درکار

ٹیکساس: امریکی صدر ڈونلڈ ٹرمپ کے مواخذے اور انہیں عہدے سے برطرف کرنے کے لیے ڈیموکریٹس کو سینیٹ میں دو تہائی اکثریت حاصل کرنا ہوگی، جس کے لیے مجموعی طور پر 67 ووٹ درکار ہیں۔

دستیاب اعداد و شمار کے مطابق اگر ڈیموکریٹس کی 54 نشستوں پر موجود تمام سینیٹرز مواخذے کے حق میں ووٹ دیں تو بھی انہیں مزید 13 ریپبلکن یا دیگر سینیٹرز کی حمایت حاصل کرنا پڑے گی۔

امریکی سینیٹ کے 100 ارکان میں سادہ اکثریت حاصل کرنا صدر کو عہدے سے ہٹانے کے لیے کافی نہیں ہے، بلکہ اس مقصد کے لیے آئین میں طے کردہ الگ قانونی اور پارلیمانی طریقہ کار پر عمل کرنا ضروری ہے۔

سیاسی مبصرین کے مطابق ڈیموکریٹس کی انتخابی کامیابی صدر ڈونلڈ ٹرمپ کے لیے سیاسی چیلنجز میں اضافہ کر سکتی ہے، بالخصوص ایسی صورت میں جب ایوانِ نمائندگان کا کنٹرول بھی ڈیموکریٹک پارٹی کے پاس چلا جائے۔