آج کا اخبار پڑھیں ای پیپر

عمران خان کو سرجری درکار ہوئی تو حکومت تمام طبی سہولیات فراہم کرے گی، رانا ثنا اللہ

Super Admin

وزیراعظم کے مشیر رانا ثنا اللہ نے کہا ہے کہ اگر ڈاکٹروں کا میڈیکل بورڈ بانی پی ٹی آئی عمران خان کی سرجری تجویز کرتا ہے تو حکومت اس حوالے سے تمام ضروری سہولیات مہیا کرے گی۔

رانا ثنا اللہ کا کہنا تھا کہ عمران خان کے علاج اور طبی دیکھ بھال میں کسی قسم کی غفلت نہیں برتی گئی۔ حکومت عمران خان اور بشریٰ بی بی کو ڈاکٹروں کے مشورے کے مطابق علاج کی سہولت فراہم کرنے کے لیے تیار ہے۔ انہوں نے واضح کیا کہ اگر طبی ماہرین سرجری ضروری قرار دیتے ہیں تو حکومت اس میں بھی تعاون کرے گی۔

سیاسی صورتحال پر بات کرتے ہوئے وزیراعظم کے مشیر نے الزام عائد کیا کہ مخالفین پہلے انتشار اور ہنگامہ آرائی کے ذریعے اپنے مقاصد حاصل کرنا چاہتے تھے، تاہم ناکامی کے بعد مذاکرات کی بات کرنے لگے۔ ان کا کہنا تھا کہ حکومت نے معاملات خوش اسلوبی سے حل کرنے کی کوشش کی، لیکن دوسری جانب سے تعاون نہیں کیا گیا۔

انہوں نے کہا کہ حکومت کا مؤقف واضح ہے کہ تمام مسائل مذاکرات اور بات چیت کے ذریعے حل کیے جائیں۔ تاہم یہ تاثر درست نہیں کہ مذاکرات کی میز پر کسی قسم کی ڈیل یا رعایت زیرِ غور ہے۔

صوبوں کی تقسیم اور نئے انتظامی یونٹس کے معاملے پر رانا ثنا اللہ نے کہا کہ یہ معاملہ جلد پارلیمنٹ میں زیرِ بحث آئے گا۔ ان کے مطابق یہ ایسا معاملہ نہیں جس کا فیصلہ کسی ایک فرد کی گفتگو سے ہو سکے، بلکہ اس پر پارلیمان میں تفصیلی بحث اور مشاورت کے بعد ہی کوئی پیش رفت ممکن ہوگی۔

شیئر کریں: Facebook WhatsApp X

تبصرے

Please keep the discussion respectful.

0 تبصرے
No comments yet. Be the first to share your thoughts.

Your comment will appear after moderation.