آج کا اخبار پڑھیں ای پیپر

سونے اور چاندی کی قیمتوں میں بڑی گراوٹ، سونا 14 ماہ کی کم ترین سطح پر پہنچ گیا

Super Admin

عالمی منڈی میں سونے کی قیمتوں میں مسلسل کمی کا رجحان جاری ہے، جس کے باعث ملکی صرافہ مارکیٹ میں بھی فی تولہ سونا ساڑھے پانچ لاکھ روپے کی حد عبور کرنے کے بعد تقریباً 14 ماہ قبل کی نچلی ترین سطح پر آ گیا ہے۔

بین الاقوامی میڈیا کی رپورٹس کے مطابق عالمی مارکیٹ میں محض دو روز کے دوران فی اونس سونا 300 ڈالر سے زائد سستا ہو کر 3 ہزار 537 ڈالر پر آ گیا ہے، جبکہ چاندی کی قیمت میں بھی 6 ڈالر سے زیادہ کی کمی ریکارڈ کی جا رہی ہے۔

ادھر مقامی صرافہ بازاروں میں جمعرات کے روز فی تولہ سونے کی قیمت میں 3 ہزار 700 روپے کی کمی واقع ہوئی، جس کے بعد نیا نرخ 3 لاکھ 95 ہزار 236 روپے مقرر ہوا ہے۔ اسی طرح 10 گرام سونا 3 ہزار 172 روپے سستا ہو کر 3 لاکھ 38 ہزار 851 روپے کا ہو گیا ہے۔

اعداد و شمار کے مطابق پاکستان میں سونے کی موجودہ قیمت ستمبر 2025 کے بعد کم ترین سطح ہے؛ اس سے قبل 27 ستمبر 2025 کو سونا اس سطح پر دیکھا گیا تھا۔

عالمی مالیاتی ڈیٹا پلیٹ فارم 'ٹریڈنگ اکنامکس' کے مطابق 19 نومبر 2026 کو عالمی منڈی میں سونا 3 ہزار 700 ڈالر فی اونس کے آس پاس ٹریڈ ہوتا رہا، اور گزشتہ ایک ماہ میں اس کی قیمت میں تقریباً 9.4 فیصد کمی واقع ہوئی ہے۔

واضح رہے کہ رواں سال 29 جنوری 2026 کو ملک میں فی تولہ سونا 5 لاکھ 72 ہزار 862 روپے کی ریکارڈ بلند ترین سطح تک جا پہنچا تھا، تاہم اس کے بعد سے اب تک فی تولہ سونا مجموعی طور پر ایک لاکھ 77 ہزار 626 روپے (تقریباً 31 فیصد) سستا ہو چکا ہے۔ عالمی مارکیٹ میں بھی جنوری 2026 کی ریکارڈ سطح 5 ہزار 379 ڈالر فی اونس کے مقابلے میں قیمتوں میں 30 فیصد سے زائد کمی آ چکی ہے۔

 

شیئر کریں: Facebook WhatsApp X

تبصرے

Please keep the discussion respectful.

0 تبصرے
No comments yet. Be the first to share your thoughts.

Your comment will appear after moderation.