آج کا اخبار پڑھیں ای پیپر

ایران کے خلاف ممکنہ فوجی کارروائی کا فیصلہ نئے سال تک مؤخر، امریکی صدر کا عندیہ

Super Admin

امریکی صدر ڈونلڈ ٹرمپ نے ایران پر ممکنہ فوجی حملے سے متعلق حتمی فیصلے کو نئے سال کے آغاز تک مؤخر کرنے کا اشارہ دے دیا ہے۔

امریکی نشریاتی ادارے 'فاکس نیوز' کو دیے گئے ایک انٹرویو میں صدر ٹرمپ کا کہنا تھا کہ ایران کے خلاف آئندہ کیا حکمتِ عملی اختیار کرنی ہے، اس کا جائزہ یکم جنوری کے بعد لیا جائے گا۔ انہوں نے واضح کیا کہ وہ اس معاملے میں کسی قسم کی جلد بازی نہیں کر رہے اور نئے سال کے آغاز پر ابھرنے والی صورتحال کو دیکھ کر ہی کوئی قدم اٹھائیں گے۔

صدر ٹرمپ نے دعویٰ کیا کہ امریکا نے ایران کے جوہری پروگرام کو مؤثر طور پر روک دیا ہے، جس کے باعث تہران کے لیے ایٹمی ہتھیار بنانا انتہائی دشوار ہو گیا ہے، تاہم ان کے بقول ایران اب کیمیائی گیسوں اور دیگر متبادل ذرائع پر توجہ مرکوز کر رہا ہے۔

ایک سوال کے جواب میں کہ آیا ایران پر نئی کارروائی رواں برس فروری کے آغاز میں چھڑنے والی جنگ کے وقت کے آس پاس کی جا سکتی ہے، امریکی صدر نے کہا کہ اس آپشن کا امکان بھی موجود ہے۔

ادھر خبر رساں ایجنسی 'رائٹرز' کی رپورٹ کے مطابق اسرائیل نے ایران کی مبینہ کیمیائی ہتھیاروں کی تیاری سے جڑی انٹیلی جنس معلومات امریکا کے حوالے کی ہیں، جبکہ اسرائیلی خفیہ ایجنسی 'موساد' کے سربراہ نے بھی حالیہ دورہ امریکا کے دوران ایران کے خلاف مشترکہ کارروائیاں دوبارہ شروع کرنے کی حمایت کی ہے۔ دوسری جانب تہران واشنگٹن میں ممکنہ کیمیائی حملوں سے متعلق شائع ہونے والی میڈیا رپورٹس کو پہلے ہی بے بنیاد قرار دے کر مسترد کر چکا ہے۔

 

شیئر کریں: Facebook WhatsApp X

تبصرے

Please keep the discussion respectful.

0 تبصرے
No comments yet. Be the first to share your thoughts.

Your comment will appear after moderation.