"الیکشن کا سال: عمر ایوب کا پیغام اور موجودہ سیاسی صورتحال"

یہ الیکشن کا سال ہے، فارم 47 حکومت کچھ نہیں کر سکتی، عمر ایوب انسداد دہشت گردی عدالت کے باہر اپوزیشن لیڈر قومی اسمبلی عمر ایوب نے عدالت میں پیشی کے موقع پر میڈیا سے گفتگو کرتے ہوئے کہا کہ فوج، ایف سی اور انٹیلی جنس ادارے ریاست کے آلہ کار ہیں۔ سیاستدانوں کو سیاست کرنی چاہیے۔ انہوں نے کہا کہ فوج کے پاس جی تھری رائفلیں، توپیں اور ٹینک ہیں۔ فضائیہ کے پاس ہوائی جہاز اور جی ایف طیارے ہیں، نیوی کے پاس آبدوزیں اور بریگیڈز اور جہاز ہیں۔ ریاست قومی اسمبلی اور صوبائی اسمبلی اورادارے ہیں۔اپوزیشن لیڈر نے کہا کہ بانی پی ٹی آئی کا پیغام ہے عوام اور فوج کے درمیان مسلم لیگ ن اور پی پی پی خلا بنا رہی ہے۔ الیکشن کمیشن کو آزاد ہونا چاہیے ،یہ الیکشن کا سال ہے اس بھنور سے مضبوط وزیراعظم ہی ملک کو نکال سکتا ہے ،یہ فارم 47 کی حکومت کچھ نہیں کر سکتی ہے ۔ عمر ایوب نے کہا کہ کل بجلی اڑھائی روپے یونٹ اضافہ ہوا ہے جس شخص کی تنخواہ بیس یا پچیس ہزار روپے ہے وہ کیسے گزارا کرے،۔ میں آئی ایس پی آر کا سپوکس مین نہیں ہوں، نو مئی واقعہ کی سی سی ٹی وی فوٹیج لے آئیں۔ بانی پی ٹی آئی سی سی ٹی وی فوٹیج کے لیے کیس کریں گے ہماری کسی سے کوئی ڈیل نہیں چل رہی ہے۔ یوٹیوٹ کی ویڈیو دیکھنے کے لیے یہاں کلک کریں