سعود شکیل کی شاندار اننگز: 141 رنز کھیل کر ٹیسٹ کرکٹ میں نئی تاریخ

سعود شکیل نے 141 رنز اننگز کھیل کر ٹیسٹ کرکٹ میں نئی تاریخ رقم کردی قومی ٹیم کے بلے باز اور نائب کپتان سعود شکیل نے بنگلہ دیش کے خلاف پہلے ٹیسٹ میچ میں 141 رنز کی کھیل کر پاکستان کو مشکلات کے بھنور سے نکالنے کے ساتھ ساتھ ٹیسٹ کرکٹ میں نئی تاریخ بھی رقم کردی۔ بنگلہ دیش کے خلاف راولپنڈی میں کھیلے جا رہے سیریز کے پہلے ٹیسٹ میچ میں بنگلہ دیش نے پاکستان کے خلاف پہلے باؤلنگ کا فیصلہ کیا اور قومی ٹیم صرف 16 رنز پر تین مستند بلے باز گنوا بیٹھی۔ اس موقع پر بلے بازی کے لیے آنے والے سعود شکیل نے پہلے صائم ایوب کے ہمراہ 98 رنز کی ساجھے داری بنائی اور پھر چوتھی وکٹ کے لیے محمد رضوان کے ساتھ 240 رنز جوڑ کر پاکستان کو مضبوط پوزیشن میں پہنچا دیا۔ سعود شکیل نے 261 گیندوں پر 9 چوکوں کی مدد سے 141 رنز کی باری کھیل کر ناصرف پاکستان کی میچ میں پوزیشن کو مستحکم کیا بلکہ ایک نئی تاریخ بھی رقم کردی۔ سعود شکیل اب تک 20 اننگز میں 65.17 کی اوسط سے ایک ہزار 108 رنز بنائے ہیں اور ٹیسٹ کیریئر میں کم از کم 20 اننگز کھیلنے والے بلے بازوں کی فہرست میں سر ڈان بریڈمین کے بعد سب سے بہترین اوسط کے حامل بلے باز ہیں۔ ڈان بریڈمین نے اپنے شاندار کیریئر کی 80 اننگز کے دوران 99.94 کی اوسط سے 6 ہزار 994 رنز بنائے اور ٹیسٹ کرکٹ کی تاریخ میں سب سے بہترین اوسط کے حامل بلے باز ہیں۔ اس کے بعد اس فہرست میں دوسرے نمبر پر سعود شکیل ہیں جو اب تک 20 اننگز میں 65.17 کی اوسط سے ایک ہزار 108 رنز بنا چکے ہیں۔ اس فہرست میں تیسرے نمبر پر آسٹریلیا کے ہی ایڈم ووجز ہیں جنہوں نے کیریئر کی 31 اننگز میں 61.87 کی اوسط سے ایک ہزار 485 رنز بنائے جبکہ چوتھے اور پانچویں نمبر پر بالترتیب گریم پولاک اور جیارج ہیڈلی ہیں۔ یوٹیوٹ کی ویڈیو دیکھنے کے لیے یہاں کلک کریں