"وانی کپور نے فواد خان کے ڈرامے دیکھنے کا اعتراف کیا، کہا 'فواد خان کی مداح ہوں'"

فواد خان کی مداح ہوں، اُن کے کئی ڈرامے دیکھے ہیں؛ وانی کپور بالی ووڈ اداکارہ وانی کپور بھی عالمی شہرت یافتہ پاکستانی سُپر اسٹار فواد خان کی مداح نکلیں۔ وانی کپور نے حال ہی میں بی بی سی ایشین نیٹ ورک کو دیے گئے انٹرویو میں کہا کہ میں نے اسٹریمنگ پلیٹ فارمز پر فواد خان کے متعدد ڈرامے دیکھے ہیں۔ مجھے اُن کا کام پسند ہے اور جب بھی وقت ملتا ہے تو اپنی والدہ کے ہمراہ اُن کے ڈرامے ضرور دیکھتی ہوں۔ بھارتی اداکارہ نے کہا کہ میری والدہ بھی فواد خان اور اُن کے ڈراموں کی مداح ہیں، اُن کا کام انتہائی شاندار ہے اور ہر ڈرامے میں اُن کا کردار پہلے والے کردار سے مختلف ہوتا ہے۔ اُنہوں نے فواد خان کی اداکاری کی تعریف کرتے ہوئے کہا کہ فواد خان باآسانی مختلف کرداروں میں ڈھل جاتے ہیں۔ مجھے اُن کے دو ڈرامے ‘ہمسفر’ اور ‘زندگی گلزار ہے’ بہت زیادہ پسند ہیں۔ وانی کپور نے کہا کہ میری طرح بھارتی شائقین بھی فواد خان سے بہت محبت کرتے ہیں۔ اُن کی شخصیت اور اُن کا کام ہر ایک کو پسند آتا ہے۔ اداکارہ نے اپنے انٹرویو میں فواد خان کے ساتھ بالی ووڈ فلم میں کام کرنے کی خبروں کی تصدیق یا ان کی تردید نہیں کی۔ یوٹیوٹ کی ویڈیو دیکھنے کے لیے یہاں کلک کریں