کراچی، حیدرآباد، لاڑکانہ اور سکھر میں موٹرسائیکل کی ڈبل سواری پر پابندی عائد

مختلف شہروں میں موٹرسائیکل کی ڈبل سواری پر پابندی صوبائی دارالحکومت کراچی سمیت سندھ کے مختلف شہروں میں 13 سے 17 ستمبر تک موٹرسائیکل کی ڈبل سواری پر پابندی عائد کر دی گئی ہے۔ موٹر سائیکل کی ڈبل سواری پر پابندی کا نوٹی فکیشن جاری کر دیا گیا ہے۔ جن شہروں میں پابندی عائد کی گئی ہے اس میں کراچی، حیدرآباد، لاڑکانہ اور سکھر شامل ہیں۔ آئی جی سندھ غلام نبی میمن کی درخواست پر محکمہ داخلہ سندھ کی جانب سے پابندی عائد کی گئی ہے۔ ادھر، گورنر سندھ کامران خان ٹیسوری نے وزیراعظم شہباز شریف، وزیراعلیٰ سندھ مراد علی شاہ اور چیئرمین پیمرا کو 11 ربیع الاول کو عام تعطیل کے لیے خط لکھا ہے۔ کامران ٹیسوری کا کہنا تھا کہ ربیع الاول امت مسلمہ کے لیے انتہائی مقدس مہینہ ہے۔ 11 ربیع الاول کے روز عام تعطیل کی جائے۔ اس طرح لوگوں کو جشن عید میلاد النبی صلی اللہ علیہ والہ وسلم مذہبی جوش و خروش سے منانے کا موقع ملے گا۔ گورنرسندھ چینلز اور کیبلز آپریٹرز کو ربیع الاول کے احترام کے ضمن میں ہدایات جاری کریں۔ یاد رہے کہ 12 ربیع الاوّل 17 ستمبر بروز منگل کو ہوگی۔ یوٹیوٹ کی ویڈیو دیکھنے کے لیے یہاں کلک کریں