بیرسٹر سیف کا عمران خان کی رہائی کے لئے عملی اقدامات کا اعلان، جلسوں کا بھی وعدہ

عمران خان کی رہائی اب ہماری ضد بن چکی : بیرسٹر سیف مشیر اطلاعات خیبر پختونخوا بیرسٹر ڈاکٹر سیف نے کہا ہے کہ بانی پی ٹی آئی عمران خان کی رہائی اب ہماری ضد بن چکی ہے۔ اپنے ایک بیان میں بیرسٹر ڈاکٹر سیف کا کہنا تھا کہ وزیراعلیٰ علی امین کی قیادت میں بانی پی ٹی آئی کی رہائی کے لئے عملی اقدامات کا آغاز ہو چکا ہے۔ عمران خان کی رہائی کے لئے ملک کے کونے کونے میں جلسے کریں گے۔ انہوں نے کہا کہ فارم 47 کے جعلی وزراء بڑھکیں نہ ماریں، جلسہ جلوس آئینی حق ہے جہاں چاہے کریں گے۔ صوبائی مشیر اطلاعات کا مزید کہنا تھا کہ جعلی مقدمات اور ایف آئی آرز جنون کا راستہ نہیں روک سکتے۔ اوچھے ہتھکنڈوں سے جعلی حکومت نے خود اپنی تباہی کو دعوت دی ہے۔ یوٹیوٹ کی ویڈیو دیکھنے کے لیے یہاں کلک کریں