سلمان خان کے بعد شاہ رخ خان کو بھی جان سے مارنے کی دھمکی، پولیس تحقیقات میں مصروف

سلمان خان کے بعد شاہ رخ خان کو بھی جان سے مارنے کی دھمکی بالی ووڈ اداکار سلمان خان کے بعد شاہ رخ خان کو بھی جان سے مارنے کی دھمکی دے دی گئی۔ بھارتی میڈیا کے مطابق بالی ووڈ اداکار شاہ رخ خان کے لیے ریاست چھتیس گڑھ سے ممبئی کے باندرہ پولیس اسٹیشن میں دھمکی آمیز کال موصول ہوئی ہے۔ پولیس کے مطابق فیضان نامی نوجوان نے مبینہ طور پر 50 لاکھ روپے تاوان کا مطالبہ کیا ہے اور اس حوالے سے پولیس نے مقدمہ درج کر لیا ہے۔ بھارتی میڈیا کے مطابق پولیس ریاست چھتیس گڑھ کے دارالحکومت رائے پور پہنچ گئی ہے جہاں سے کال ملائی گئی تھی۔ واضح رہے کہ اس سے قبل بالی وڈ کے سُپر اسٹار سلمان خان کو بھی لارنس بشنوئی گینگ کی جانب سے ایک بار پھر قتل کی دھمکی موصول ہوئی تھی۔ یوٹیوٹ کی ویڈیو دیکھنے کے لیے یہاں کلک کریں