نیلم جہلم پاور پلانٹ کی مرمت کیلئے 23 ارب روپے کی ضرورت

. پلانٹ ایک سال سے بند، 23 ارب درکار ہیڈ ریس ٹنل میں خرابی کے باعث نیلم جہلم پاور پلانٹ گزشتہ سال مئی سے بند ہے،۔ پراجیکٹ انتظامیہ نے مرمت کے لیے 21 سے 23 ارب روپے مانگ لیے ہیں۔ نیلم جہلم پن بجلی منصوبہ جو 508 ارب روپے کی لاگت سے تیار کیا گیا گزشتہ ایک سال سے بند ہے۔ ہیڈ ریس ٹنل میں خرابی کے باعث 969 میگاواٹ بجلی پیدا کرنے والا یہ منصوبہ تاحال غیر فعال ہے۔ پانی نکال کر ٹنل کو خشک کرنے اور ملبہ ہٹانے پر 5 ارب روپے کی اضافی لاگت آئی۔ وزارت آبی وسائل کے ذرائع کے مطابق مرمت کے لیے 23 ارب روپے مزید درکار ہیں۔ جبکہ فالٹ کی نشاندہی کے لیے جدید مشینری بھی ضروری ہے۔ منصوبے کی بحالی کے لیے چینی کمپنی کو ٹھیکہ دیے جانے کا امکان ہے۔ تاہم اس کے لیے وفاقی حکومت کی منظوری درکار ہوگی۔ یوٹیوٹ کی ویڈیو دیکھنے کے لیے یہاں کلک کریں