وہاب ریاض کو فی الحال کوئی نئی ذمہ داری نہیں سونپی جارہی: ترجمان پی سی بی

پی سی بی ترجمان نے واضح کیاہے کہ وہاب ریاض کو فی الحال کوئی نئی ذمہ داری نہیں سونپی جارہی ۔ تفصیلات کے مطابق پاکستان کرکٹ بورڈ کے ترجمان نے وضاحت کی ہے کہ سابق ٹیسٹ کرکٹر وہاب ریاض پاکستان کرکٹ بورڈ کے ساتھ بطور کنسلٹنٹ منسلک ہیں۔ اس وقت وہ پاکستان کرکٹ بورڈ کی مختلف ٹیموں کے ساتھ کام کر رہے ہیں، اس کے علاوہ انہیں اور فی الحال کوئی نئی ذمہ داری نہیں سونپی گئی۔ یاد رہے کہ اس سے قبل یہ خبریں جاری تھیں کہ وہاب ریاض کو قومی ویمن کرکٹ ٹیم کا ہیڈ کوچ بنانے پر غور جاری ہے۔ لیکن اب پی سی بی کی جانب سے وضاحت جاری کر دی گئی ہے ۔ خبر کی تفصیل کے لیے لنک پر کلک کریں۔