سری لنکن کرکٹ ٹیم کی سیکیورٹی پر کسی قسم کا سمجھوتہ نہیں کیا جائے گا،محسن نقوی

چیئرمین پی سی بی محسن نقوی کا کہنا ہے کہ سری لنکن کرکٹ ٹیم کو اسٹیٹ گیسٹ کا درجہ دیا گیا ہے۔ مہمان ٹیم کی سیکیورٹی پر کسی قسم کا سمجھوتہ نہیں کیا جائے گا۔ چیئرمین پی سی بی نے راولپنڈی کرکٹ اسٹیڈیم کا دورہ کیا، میچ کے دوران سیکیورٹی انتظامات کا معائنہ کیا۔ محسن نقوی نے کہا کہ کھیلوں کی سرگرمیوں کو فروغ دینا ہمارا مشترکہ مقصد ہے۔ خیال رہے کہ سری لنکا کے خلاف پہلے ون ڈے میچ میں پاکستان کی بیٹنگ جاری ہے۔ پنڈی کرکٹ اسٹیڈیم میں کھیلے جارہے پہلے ون ڈے میچ میں سری لنکا نے پاکستان کیخلاف ٹاس جیت کر فیلڈنگ کا فیصلہ کیا۔ ٹاس کے بعد کی گئی گفتگو میں پاکستان ٹیم کے کپتان شاہین شاہ آفریدی کا کہنا تھا کہ ٹاس جیتتے تو فیلڈنگ ہی کرتے۔ ، اس سیریزمیں بھی پچھلی سیریز کی طرح اچھا کرنے کی کوشش کریں گے۔ پہلے ون ڈے کے اسکواڈ کے حوالے سے گفتگو کرتے ہوئے شاہین شاہ آفریدی نے بتایا کہ پاکستان کی پلیئنگ الیون میں فخرزمان، صائم ایوب، بابراعظم ، محمدرضوان، سلمان علی آغا،فہیم اشرف، نسیم شاہ، حارث رؤف ، حسین طلعت اور محمد نواز شامل ہیں جبکہ ٹیم میں ابرار کی جگہ نسیم شاہ کو شامل کیا گیا ہے۔ خبر کی تفصیل کے لیے لنک پر کلک کریں۔