بلوچستان کے مختلف علاقوں میں سکیورٹی فورسز کی کارروائیوں کے دوران 11 دہشتگرد ہلاک کر دیے گئے۔سکیورٹی ذرائع کے مطابق فورسز نے آپریشن ردالفتنہ 3 کے تحت بلوچستان کے اضلاع پنجگور اور چاغی میں دہشتگردوں کے خلاف کارروائیاں کیں، جن میں مبینہ طور پر فتنہ الہندوستان سے تعلق رکھنے والے 11 دہشتگرد مارے گئے۔
ذرائع کا کہنا ہے کہ پنجگور کے علاقے گوارگو میں سکیورٹی فورسز کی کارروائی کے دوران 5 دہشتگرد ہلاک ہوئے، جبکہ چاغی کے علاقوں امین آباد اور سیاہ چنگ میں کیے گئے آپریشنز میں مزید 6 دہشتگرد مارے گئے۔سکیورٹی ذرائع کے مطابق کارروائیوں کے دوران ہلاک ہونے والے دہشتگردوں کے قبضے سے بڑی مقدار میں اسلحہ اور گولہ بارود بھی برآمد کیا گیا۔
ذرائع کا مزید کہنا ہے کہ سکیورٹی فورسز نے علاقوں میں کلیئرنس آپریشن مکمل کرتے ہوئے مشتبہ مقامات کی تلاشی کا عمل بھی جاری رکھا۔