پنجاب اسمبلی کی کفایت شعاری مہم، دو ماہ میں 77 کروڑ روپے کی بچت

دو ماہ میں 77 کروڑ روپے کی بچت

 

پنجاب اسمبلی نے کفایت شعاری مہم کے تحت صرف دو ماہ کے دوران سرکاری اخراجات میں نمایاں کمی کرتے ہوئے بڑی رقم بچا کر خزانے میں جمع کروا دی ہے۔ذرائع پنجاب اسمبلی سیکرٹریٹ کے مطابق کفایت شعاری اقدامات کے نتیجے میں دو ماہ میں 77 کروڑ روپے کی بچت ہوئی، جسے سرکاری خزانے میں جمع کروا دیا گیا ہے۔
ذرائع نے بتایا کہ اس دوران بجلی کے استعمال میں بھی واضح کمی دیکھی گئی اور ایک لاکھ 11 ہزار سے زائد یونٹس کی بچت کی گئی۔ غیر ضروری خریداری پر مکمل پابندی عائد ہے اور کسی قسم کی نئی پروکیورمنٹ نہیں کی جا رہی۔اسی طرح غیر ملکی سرکاری دوروں پر بھی مکمل پابندی لگائی گئی ہے ۔
جبکہ سرکاری تقریبات اور تفریحی اخراجات میں نمایاں کمی کی گئی ہے۔ مزید یہ کہ اسٹینڈنگ کمیٹیوں کے اجلاس اب ٹیلی کانفرنسنگ کے ذریعے منعقد کیے جا رہے ہیں۔