خطے میں پائیدار امن کیلئے کاوشیں، ایرانی سفیر کا پاکستان سے اظہارِ تشکر

ایران کے وزیر خارجہ عباس عراقچی کے حالیہ دورۂ پاکستان کے بعد اسلام آباد میں تعینات ایرانی سفیر رضا امیری مقدم نے خطے میں جنگ کے خاتمے اور پائیدار امن کیلئے پاکستان کی کوششوں کو سراہا ہے۔ایرانی سفیر نے سوشل میڈیا پلیٹ فارم ایکس پر اپنے پیغام میں بتایا کہ وزیر خارجہ کا دورۂ اسلام آباد دو طرفہ تعلقات کا جائزہ لینے اور علاقائی پیش رفت پر مشاورت کیلئے کیا گیا۔
ان کے مطابق یہ دورہ بھی گزشتہ مواقع کی طرح مکمل سیکیورٹی اور پُرامن ماحول میں کامیابی سے مکمل ہوا۔رضا امیری مقدم نے پاکستان کی حکومت، مسلح افواج اور عوام کا خصوصی شکریہ ادا کرتے ہوئے وزیراعظم شہباز شریف اور فیلڈ مارشل سید عاصم منیر کی کوششوں کو سراہا۔
انہوں نے کہا کہ پاکستان نے خطے میں کشیدگی کے خاتمے اور پائیدار امن کے قیام کیلئے خلوصِ نیت سے مؤثر اقدامات کیے ہیں، جو قابلِ تحسین ہیں۔