پنجاب بھر میں غیر قانونی طور پر مقیم غیر ملکی باشندوں کے انخلا کا عمل جاری

پنجاب بھر سے غیر قانونی مقیم غیر ملکی باشندوں کے انخلا کا عمل جاری پنجاب بھر میں غیر قانونی طور پر مقیم غیر ملکی باشندوں کے انخلا کا عمل جاری ہے۔ ترجمان پنجاب پولیس کے مطابق اب تک لاہور سمیت صوبے بھر سے 34 ہزار 545 افغان شہریوں سمیت غیر قانونی مقیم غیر ملکی باشندوں کو ڈی پورٹ کیا جا چکا ہے،۔
جبکہ 203 افراد اس وقت ہولڈنگ پوائنٹس پر موجود ہیں۔ترجمان کے مطابق ڈی پورٹ کیے جانے والوں میں 13 ہزار 389 مرد، 6 ہزار 963 خواتین اور 14 ہزار 224 بچے شامل ہیں۔اعداد و شمار کے مطابق ان افراد میں رہائشی ثبوت رکھنے والے 10 ہزار 771، افغان سٹیزن کارڈ رکھنے والے 11 ہزار 131 جبکہ 12 ہزار 643 غیر قانونی طور پر مقیم غیر ملکی شامل ہیں۔
آئی جی پنجاب عبدالکریم نے کہا ہے کہ صوبے بھر میں سکیورٹی ہائی الرٹ ہے اور تمام غیر قانونی مقیم افراد کا انخلا یقینی بنایا جا رہا ہے۔ انہوں نے کہا کہ پنجاب پولیس بین الاقوامی قوانین کے مطابق انخلا کی پالیسی پر عمل درآمد کر رہی ہے۔