سوشل میڈیا پلیٹ فارمز کا سیکیورٹی اداروں سے عدم تعاون، سینیٹ کمیٹی نے پی ٹی اے سے بریفنگ طلب کرلی

 

سینیٹ قائمہ کمیٹی برائے انفارمیشن ٹیکنالوجی نے سوشل میڈیا پلیٹ فارمز کی جانب سے پاکستانی اداروں سے تعاون نہ کرنے کا نوٹس لیتے ہوئے وزارت داخلہ اور پی ٹی اے سے فوری بریفنگ طلب کرلی ہے۔ اس سلسلے میں کل اجلاس بھی طلب کرلیا گیا ہے۔
اجلاس میں سیکرٹری داخلہ اور چیئرمین پی ٹی اے حکمت عملی پر تفصیلی بریفنگ دیں گے، جبکہ وزیر دفاع خواجہ آصف کی ایکس (سابقہ ٹوئٹر) پر اسرائیل مخالف پوسٹ کا معاملہ بھی ایجنڈے میں شامل ہے۔کمیٹی کے اجلاس میں فیس بک، انسٹاگرام اور یوٹیوب کی جانب سے پاکستانی اداروں کے ساتھ عدم تعاون پر غور کیا جائے گا۔
، خاص طور پر جرائم کی تحقیقات کے لیے مطلوبہ ڈیٹا فراہم نہ کرنے کے معاملے پر مشاورت ہوگی۔سیکرٹری داخلہ اور چیئرمین پی ٹی اے میٹا پلیٹ فارمز سے متعلق حکمت عملی پر بریفنگ دیں گے اور سیکیورٹی مقاصد کے لیے ڈیٹا کے حصول کے ممکنہ لائحہ عمل سے کمیٹی کو آگاہ کریں گے۔