ڈیزل کی قیمتوں میں اضافے پر ماہی گیروں کیلئے مالی معاونت کا اعلان

سندھ حکومت نے ڈیزل کی بڑھتی ہوئی قیمتوں سے متاثر ہونے والے ماہی گیروں کی مدد کے لیے 51 کروڑ 50 لاکھ روپے کے ایندھن سبسڈی پروگرام کا اعلان کیا ہے۔ وزیرِ فشریز محمد علی ملکانی نے سجاول میں میڈیا سے گفتگو کے دوران بتایا کہ دو ماہ کے ایندھن اخراجات کو پورا کرنے کے لیے ایک مرتبہ مالی امداد فراہم کی جائے گی۔
انہوں نے کہا کہ ڈیزل مہنگا ہونے کے باعث مچھلی کے شکار میں تقریباً 20 فیصد کمی دیکھنے میں آئی ہے، جبکہ ہزاروں ماہی گیروں کے روزگار کو بھی خطرات لاحق ہو گئے ہیں۔
ان کے مطابق 9 ہزار 634 رجسٹرڈ کشتی مالکان کو اس اسکیم کے تحت امداد دی جائے گی، جس میں بڑی کشتیوں کے لیے فی کشتی 2 لاکھ روپے اور چھوٹی کشتیوں کے لیے ایک لاکھ روپے مقرر کیے گئے ہیں۔