اعلیٰ تعلیمی کمیشن کا ڈبل اور مشترکہ ڈگری نظام متعارف کرانے کا فیصلہ

اعلیٰ تعلیمی کمیشن نے ڈبل اور مشترکہ ڈگری نظام متعارف کرانے کا فیصلہ کر لیا ہے۔ اس نظام کے تحت طلبہ ایک ہی وقت میں دو مختلف تعلیمی پروگراموں میں داخلہ لے سکیں گے، جبکہ پہلے صرف ایک ہی ڈگری پروگرام کی اجازت تھی۔نئے نظام کے مطابق دونوں پروگراموں کے لیے ایک ہی شعبہ ہونا ضروری نہیں ہوگا۔
مشترکہ ڈگری کی صورت میں طالب علم آدھا تعلیمی دورانیہ ایک یونیورسٹی اور آدھا دوسری یونیورسٹی میں مکمل کر سکے گا۔مشترکہ ڈگری پروگرام کے لیے دونوں جامعات کے درمیان مفاہمتی یادداشت اور اعلیٰ تعلیمی کمیشن کی منظوری لازمی قرار دی گئی ہے۔ 
یہ پروگرام ملک کے اندر اور بیرونِ ملک جامعات کے ساتھ بھی کیا جا سکے گا۔اعلیٰ تعلیمی کمیشن کے کمیشن نے ڈبل اور مشترکہ ڈگری پروگرام کے آغاز کی باضابطہ منظوری دے دی ہے۔