28 ویں آئینی ترمیم کیلئے حکومتی سرگرمیاں تیز، آئندہ ہفتہ اہم قرار

حکومت نے 28 ویں آئینی ترمیم کی منظوری کیلئے اپنی سرگرمیاں تیز کر دی ہیں، جبکہ اس حوالے سے مئی کا آئندہ ہفتہ انتہائی اہم قرار دیا جا رہا ہے۔ذرائع کے مطابق اقتدار کے ایوانوں میں غیر معمولی سیاسی سرگرمیاں دیکھنے میں آ رہی ہیں اور مختلف سطحوں پر مشاورتی اجلاسوں کا سلسلہ جاری ہے۔ 
قومی اسمبلی اور سینیٹ کے اجلاسوں کے دوران بھی مجوزہ آئینی ترمیم پر گفتگو اور اس کی بازگشت سنائی دے رہی ہے۔ذرائع کا کہنا ہے کہ آئینی ترمیم پر سیاسی جماعتوں کے درمیان مشاورت کا عمل بھی شروع ہو چکا ہے۔ صدرِ مملکت اور وزیراعظم کے درمیان ہونے والی حالیہ ملاقات میں بھی یہ معاملہ اہم ایجنڈے کے طور پر زیرِ غور آیا۔
اس ملاقات میں اسپیکر قومی اسمبلی ڈاکٹر ایاز صادق سمیت دیگر اہم شخصیات نے بھی شرکت کی۔ذرائع کے مطابق اسپیکر قومی اسمبلی ایاز صادق نے پارلیمانی رہنماؤں سے غیر معمولی رابطے اور مشاورت کی ہے، جبکہ انہیں مسلم لیگ (ن) اور پاکستان پیپلز پارٹی کے درمیان اتفاقِ رائے پیدا کرنے کی ذمہ داری بھی سونپی گئی ہے۔