عالمی اور مقامی مارکیٹ میں سونے کی قیمت میں دوبارہ کمی

عالمی اور مقامی گولڈ مارکیٹس میں دو روز بعد سونے کی قیمت میں ایک بار پھر کمی ریکارڈ کی گئی ہے۔آل پاکستان صرافہ ایسوسی ایشن کے مطابق 24 قیراط فی تولہ سونا 2200 روپے سستا ہونے کے بعد 4 لاکھ 73 ہزار 162 روپے کا ہوگیا۔اسی طرح 10 گرام سونے کی قیمت میں 1886 روپے کی کمی ہوئی، ۔
جس کے بعد نئی قیمت 4 لاکھ 5 ہزار 660 روپے مقرر ہوگئی۔چاندی کی قیمت میں کوئی تبدیلی نہیں ہوئی اور فی تولہ چاندی 8034 روپے پر برقرار رہی۔دوسری جانب عالمی مارکیٹ میں بھی سونے کی قیمت میں 22 ڈالر کمی ریکارڈ کی گئی، جس کے بعد فی اونس سونا 4508 ڈالر پر آگیا۔