بے نظیر انکم سپورٹ پروگرام کی سہ ماہی قسط 18 ہزار روپے کرنے کا فیصلہ

آئندہ مالی سال سے بے نظیر انکم سپورٹ پروگرام کی سہ ماہی قسط بڑھا کر 18 ہزار روپے کرنے کا فیصلہ کیا گیا ہے۔پروگرام کی چیئرپرسن سینیٹر روبینہ خالد نے کہا ہے کہ بے نظیر انکم سپورٹ پروگرام غریب اور مستحق خاندانوں کی عزتِ نفس اور معاشی خودمختاری کے تحفظ میں اہم کردار ادا کر رہا ہے، اور اس کے خلاف منفی پروپیگنڈا قابلِ مذمت ہے۔
انہوں نے مزید بتایا کہ آئندہ مالی سال سے قسط کی رقم 18 ہزار روپے مقرر کر دی گئی ہے۔ اس کے ساتھ ہی جولائی سے پروگرام کی تمام ادائیگیاں صرف ڈیجیٹل والٹس کے ذریعے کی جائیں گی تاکہ شفافیت اور سہولت کو یقینی بنایا جا سکے۔حکام کے مطابق یہ اقدام مستحق افراد کو مالی امداد کی بروقت فراہمی اور نظام کو جدید خطوط پر استوار کرنے کی جانب ایک اہم پیش رفت ہے۔