عالمی تیل منڈی کا رخ چین کے فیصلوں سے مشروط، امریکی میڈیا کی رپورٹ

امریکی میڈیا کے مطابق ایران جنگ کے بعد عالمی تیل منڈی کا مستقبل اب صرف مشرق وسطیٰ کی صورتحال پر منحصر نہیں رہا بلکہ چین کی پالیسیوں کو بھی فیصلہ کن اہمیت حاصل ہو گئی ہے۔نشریاتی ادارے سی این این کی رپورٹ کے مطابق ماہرین کا کہنا ہے کہ اگرچہ امریکا اور ایران آبنائے ہرمز کو مستقل طور پر کھولنے اور تیل کی ترسیل بحال کرنے کے لیے مذاکرات کر رہے ہیں۔
، تاہم عالمی تیل مارکیٹ کی سمت کا تعین اب چین کے فیصلے بھی کر سکتے ہیں۔رپورٹ میں بتایا گیا ہے کہ ایران میں جنگ کے باعث یومیہ ایک کروڑ دس لاکھ بیرل سے زائد تیل کی سپلائی متاثر ہوئی، تاہم اس کے باوجود عالمی منڈی میں تیل کی قیمتوں میں وہ بڑا اضافہ نہیں دیکھا گیا جس کی کئی ماہرین نے توقع ظاہر کی تھی۔ 
بعض تجزیہ کاروں کے مطابق قیمتیں دو سو ڈالر فی بیرل تک پہنچ سکتی تھیں، لیکن ایسا نہیں ہوا۔توانائی کے شعبے سے وابستہ تحقیقی ادارے ایمبر کے ماہر دان والٹر کے مطابق چین نے ایشیا اور عالمی معیشت کو بڑے جھٹکے سے بچانے میں اہم کردار ادا کیا ہے۔