ایران کی جانب سے جہاز پر حملہ ناقابلِ قبول تھا، صدر ٹرمپ کا ردعمل

امریکی صدر ڈونلڈ ٹرمپ نے کہا ہے کہ ایران کی جانب سے ایک جہاز کو نشانہ بنانے کی کوشش انہیں ہرگز قابلِ قبول نہیں لگی، جبکہ اس واقعے پر ممکنہ امریکی ردعمل کا عندیہ بھی دیا ہے۔وائٹ ہاؤس میں میڈیا سے گفتگو کرتے ہوئے صدر ٹرمپ نے کہا کہ ایران نے گزشتہ روز چار مرتبہ جہاز پر حملہ کرنے کی کوشش کی، تاہم ان میں سے تین حملے ناکام بنا دیے گئے۔ 
ان کا کہنا تھا کہ اس طرح کی کارروائی تشویش کا باعث ہے۔ممکنہ امریکی ردعمل سے متعلق سوال پر صدر ٹرمپ نے کہا کہ اس بارے میں وقت آنے پر سب کو معلوم ہو جائے گا، جس سے انہوں نے اشارہ دیا کہ واشنگٹن اس واقعے کے جواب پر غور کر رہا ہے۔